Բոլոր ժամանակների ԱՄԵՆԱգովազդները

Ուղղեք ցանկացած հարց, և մենք սիրով կպատասխանենք ձեզ մեկ օրվա ընթացքում, ինչպես նաև կօգնենք ընտրել համապատասխան դասընթացը

Career

Բոլորս մեր կյանքի ընթացքում հասցրել ենք տեսնել ամենաբազմազան գովազդները ամենատարբեր ոլորտներից։ Սակայն շատ դեպքերում նույնիսկ չենք էլ իմացել՝ որքան բյուջե է հատկացվել այդ արշավի իրականացմանը, կամ ինչ արդյունավետություն է այն ունեցել։

Այսօր կանդրադառնանք մեր ժամանակների ԱՄԵՆԱգովազդներին։ Թեև չկա բոլոր գովազդների վերաբերյալ մեկ ամբողջական բազա, որը հստակ տեղեկություններ կտրամադրեր բոլոր ժամանակների գովազդային արշավների վերաբերյալ, այնուամենայնիվ փորձենք բացահայտել լավագույնները և ուսումնասիրել դրանք քայլ առ քայլ։

Ամենաերկար գովազդը
Եթե ունենայիք ապրանք, որը «հավերժ» ծառայում է սպառողներին, ինչպե՞ս կգովազդեիք այն․ իսկ ի՞նչ կասեք գովազդի մասին, որը նույնպես «հավերժ» է։
Procter & Gamble ընկերությունը հենց այդպիսի լուծում էր պատկերացրել իր Old Spice ապրանքանիշի համար։ 2018 թվականի դեկտեմբերի 8-ին եթեր է հեռարձակվել 14 ժամ տևողությամբ գովազդ, որն ընդգրկվել է գինեսի ռեկորդների գրքում։
Գովազդի հակիրճ բովանդակությունը կարող եք տեսնել ստորև․

Ամենափոքրիկ գովազդը
258.19 μm^2 մակերեսով գովազդը ստեղծվել է 2018 թվականի սեպտեմբերի 21-ին Նիդերլանդներում։ Գովազդի նպատակը տեղեկացվածության մեծացումն էր, և այն ուղղված էր տեխնոլոգիական բաժիններում սովորող ուսանողներին՝ աշխատանքային ռեսուրսների հավաքագրման մարքեթինգային նպատակներով․

Ամենաթանկարժեք գովազդը
Երբևէ կպատկերացնեի՞ք, որ մոտ երկու րոպե տևողությամբ հոլովակի նկարահանմանը կարելի է հատկացնել 33 միլիոն ԱՄՆ դոլար բյուջե։ Հենց այդքան է արժեցել CHANEL N°5-ի գովազդը՝ լավագույն դերասանների, դիզայներների և ռեժիսյորների ներգրավմամբ։ 2004 թվականին հեռարձակված հոլովակը մեծ աղմուկ բարձրացրեց հենց իր մեծ մասշտաբների շնորհիվ, ինչը դրական ազդեցություն ունեցավ բրենդի վրա, և բույրը դարձավ ամենացանկալիներից մեկը։

Ամենահաջողված գովազդը
Վստահորեն կարող ենք Nike-ի “Just do it” արշավը համարել բոլոր ժամանակների լավագույններից մեկը։ 1988 թվականին լսարանին ներկայացված հոլովակում ցուցադրվել են ինչպես պրոֆեսիոնալ, այնպես էլ սիրողական մարզիկներ, որոնք կիսվում են իրենց ձեռքբերումներով և ոգեշնչում հեռուստադիտողներին նույնն անել: Արշավի առաջին հեռուստատեսային գովազդներից մեկում իր մասնակցությունն ուներ Ուոլթ Սթաք անունով 80-ամյա մի մարզիկ, ով ամեն առավոտ վազում էր 17 մղոն:

Գովազդի հեռարձակումից հետո հազարավոր մարդիկ կիսվեցին իրենց պատմություններով, թե ինչպես են ոգեշնչվել «պարզապես դա անել»՝ մինչև անգամ չսիրած աշխատանքը լքելով: “Just do it”-ը դարձավ Nike-ի խորհրդանշական նշանաբանը և մինչ օրս էլ շարունակում է ներկայացնել բրենդը:

Ի՞նչ է սովորեցնում բրենդը․ ճանաչել լսարանը և էմոցիոնալ կապ հաստատել նրա հետ, սա է հաջողության գրավականը։

Տեսնել մյուս հոդվածները