Մեր մասին

2013թ., չգտնելով այն լիարժեք դասընթացը, որը կօգներ մասնագիտանալ մարքեթինգի ոլորտում, BSMI դպրոցի հիմնադիրը մեկնել է ՀՀ-ից` արտերկրում կրթություն ստանալու և փորձ ձեռք բերելու նպատակով:

Մի շարք գլոբալ ընկերությունների հետ աշխատելուց հետո, ինչպիսիք են BBDO-ն, ADV-ն, Bayer-ը, Unilever-ը և այլն, ինչպես նաև Մոսկվայի НИУ ВШЭ համալսարանում դասավանդելուց հետո, նա տնտեսական գիտությունների թեկնածու և հակաճգնաժամային կառավարման մասնագետ Վրույր Օգանյանի հետ հավաքել է թիմ, վերադարձել է ՀՀ` ստացած փորձն ու գիտելիքները երկրի երիտասարդներին փոխանցելու նպատակով:

Մեր ծրագրերի նպատակն է պատրաստել մարքեթինգի մասնագետների, ովքեր, լսելով բրենդի կամ ապրանքի առջև ծառացած խնդիրների մասին, կարող են առաջարկել բազմաբովանդակ հաղորդակցական գործիքակազմ ունեցող գրագետ ռազմավարական լուծումներ, ինչպես նաև ինքնուրույն իրականացնել դրանք:

Մեր առաքելությունն է վերացնել գործատուների և աշխատանք փնտրողների միջև բացը՝ համապատասխանեցնելով վերջիններիս հնարավորությունները շուկայում դրված պահանջներին, և ստեղծել երկրում մարքեթինգի մասին ընդհանուր միասնական պատկերացում` կրճատելով ուսման նպատակով արտահոսքը դեպի այլ երկրներ։