Սրճարանների կոնցեպտի կարևորագույն մասը զբաղեցնում են կենդանի համերգները, որոնք, սակայն, այնքան էլ մեծ հաջողություններ չէին գրանցել առաջին երկու տարիներին։ Պատկերը փոխվեց 1973-ին, երբ Paul McCartney-ն և Wings-ը իրենց բրիտանական շրջագայության ընթացքում անակնկալ ելույթ ունեցան սրճարանում, ինչն էլ սկիզբ դրեց ռոքային խելահեղ համերգներին։

1974 թվականին, որքան էլ անսպասելի է, սրճարանի հիմնադիրները որոշեցին հովանավորել տեղի ֆուտբոլային թիմին։ Խաղի ժամանակ ֆուտբոլիստները կրում էին Hard Rock Cafe-ի լոգոյով շապիկներ։ Խաղից հետո ֆուտբոլիստները սրճարանին փոքրիկ իրեր նվիրեցին, որոնք էլ սրճարանն իր հերթին նվիրեց իր հավատարիմ հաճախորդներին։ Վերջինները պարզապես հիացած էին այդ փոքրիկ նվերներով, և դրանց նկատմամբ պահանջարկն այնքան աճեց, որ սրճարանին կից բացվեց մի փոքրիկ տնակ՝ հատուկ հուշանվերների և փոքրիկ իրերի վաճառքի համար․ հենց այդպես էլ հիմք դրվեց Hard Rock Cafe-ի հուշանվերների ստեղծմանը, որոնք դարձան ամենաարկածային կոլեկցիոներների հիացմունքի առարկան։

Ի դեպ՝ սրճարանն ունի ևս մեկ յուրահատկություն․ այստեղ կգտնեք համաշխարհային աստղերին պատկանող բազմաթիվ իրեր։

Առաջին մեծ նվիրատվությունը կատարել է Էրիկ Քլեպտոնը, ով տվել է իր կիթառը, որպեսզի սրճարանի իր ամենասիրելի հատվածում նշեն “իր տեղը”։

Իսկ դրանից ընդամենը մեկ շաբաթ անց Փիթ Թաունշենդն ուղարկել է իր կացիններից մեկը՝ ասելով, որ դա նույնքան լավն է, որքան Քլեփթոնի կիթառը։

Այսպես սկիզբ դրվեց թանգարանի ստեղծմանը։

Մի շարք հետաքրքիր փաստերի շարքում կարևոր է հիշատակել ևս մեկը՝ ամենագլխավորը․ Hard Rock Cafe-ն մասնակցում է սոցիալական մի շարք արշավների, զբաղվում բարեգործությամբ և օգնում կարիքավորներին։