Եվ այսպես․ ի՞նչ է պետք անել արդյունավետ ռեբրենդինգի համար
Եթե ուսումնասիրեք հաջողված ռեբրենդինգի համաշխարհային օրինակները, կնկատեք որոշակի նմանություններ՝ անկախ բիզնեսի գործունեության ոլորտից։ Ամենակարևոր խորհուրդները, որ կարող եք քաղել հաջողության հասած բրենդներից ձեր իսկ բիզնեսի առաջխաղացման համար, թվարկված են ստորև․

• Բոլոր դեպքերում թիրախային լսարանն ու նրա պահանջները պետք է լինեն ձեր առաջնային ծրագրերում․ ի՞նչ ճաշակ և նախասիրություններ ունեն սպառողները, ի՞նչն է նրանց ոգեշնչում, ինչպիսի՞ կայք կցանկանային տեսնել և օգտագործել ձեր բրենդի հետ կապը պահպանելու համար և այլն։

• Շատ կարևոր ձեռքբերում կլինի նաև ձեր սպառողների՝ բրենդի հետ չկապված նախասիրությունների բացահայտումը․ ի՞նչ ցանկություններ ունեն սպառողները ձեր ապրանքներից կամ ծառայություններից այն կողմ, ի՞նչն է նրանց ամենից շատ հետաքրքրում։ Ներքին համոզմունքների ու այսպես կոչված insight-ի բացահայտումը թույլ կտա ունենալ նոր մտքեր բրենդի պատմությունը վերաիմաստավորելու և թիրախային լսարանին իսկապես հուզող, արժեքավոր ռեբրենդինգ իրականացնելու գործում։

• Ինչպես արդեն նշեցինք, ռեբրենդինգն ավելին է, քան պարզապես լոգոյի փոփոխությունն ու կայքում հրապարակումը։ Ռեբրենդինգը նոր կերպարի ստեղծումն է, ինչից հետո պետք է վստահ լինել՝ արդյոք բրենդի հետ կապված յուրաքանչյուր կայքէջ, ցանկացած հարթակում տեղադրված կոնտենտ, գրաֆիկա և գովազդ թարմացվում և համապատասխանում է այդ նոր կերպարին։

• Առհասարակ և հատկապես ռեբրենդինգի դեպքում մեծանում է Brand Guideline-ի կարևորությունը համախմբված կոնցեպտի մշակման համար։ Բրենդը պետք է վստահ լինի, որ յուրաքանչյուր աշխատակից օժտված է և գործում է հստակ գործիքաշարով, որը կոնտենտ և ցանկացած արդյունք ստեղծելիս ամբողջովին համապատասխանում է բիզնեսի նոր հայացքներին և տեսլականին։

Ի վերջո, ռեբրենդինգի ռազմավարությունը կարող է հետաքրքիր էքսպերիմենտ և արդյունավետ հնարավորություն լինել հավատարիմ հաճախորդներին հաճույք պատճառելու համար՝ միաժամանակ ներգրավելով նոր սպառողների և մեծացնելով շուկայում զբաղեցրած մասնաբաժինը։

Օգտվեք այս խորհուրդներից, հետևեք համաշախարհային բրենդների հաջող օրինակներին և ստեղծեք ձեր բրենդի նոր հայացքը դեպի Նոր Իրականություն։