ՀՀ-ում միջազգային որակի կրթության ապահովման իր առաքելությունը
BSMI-ը իրականացնում է իր ամենակարևոր ռեսուրսի՝ դասախոսների շնորհիվ։
Մենք մշտապես ոգևորված ենք՝ մեր թիմը համալրելու ոլորտի առաջատար մոտիվացված մասնագետներով։
Եթե ցանկանում եք դառնալ BSMI Team-ի անդամ, ստորև լրացրե՛ք հայտը, և մենք կապ կհաստատենք Ձեզ հետ։
Թո՛ղ տվյալներդ, և մենք կապ կհաստատենք քեզ հետ:
որոնք կփոխեն մարքեթինգը 2025 թվականին
որոնք կփոխեն մարքեթինգը 2025 թվականին
BSMI-ը ներկայացնում է սոցիալական մարքեթինգի 5 թրենդներ, որոնց պետք է հետևեն բրենդները ժամանակի փոփոխություններին զուգահեռ գործելու համար։
1. Այլընտրանքային հարթակները նոր թափ են ստացել (X, Bluesky and Threads)
Երբ 2022 թվականին Իլոն Մասկը գնեց Twitter-ը, ոչ ոք չէր էլ կարող կանխատեսել, թե որքան կարող էր այս, այժմ X կոչվող, հարթակը փոփոխվել։ Վիճահարույց որոշումները, գովազդատուների բոյկոտները և ապատեղեկատվության հետ կապված մտահոգությունները հանգեցրել են ներգրավվածության նվազման։ Արդյունքում, օգտատերերը և բրենդները սկսել են այլընտրանքներ փնտրել։
Twitter-ի հիմնադիր Ջեք Դորսիի կողմից ստեղծված Bluesky հարթակը դարձել է խոստումնալից, ապակենտրոնացված հարթակ։ Ավելի քան 26 միլիոն օգտատերեր ունենալով՝ այս հարթակը մեծ տարածում է գտնում՝ գրավելով այնպիսի բրենդներ, ինչպիսիք են Netflix-ը և Duolingo-ն, որոնք անմիջապես դուրս էին եկել X-ից։ Մինչդեռ Meta-ի Threads հարթակն ընդամենը 2 տարում ձեռք է բերել 275 միլիոն օգտատիրոջ։
Ինսայթներ փորձագետների կողմից.
Threads-ում հաջող ակտիվություն ունեն այն բրենդները, որոնք կենտրոնանում են հումորային, ներգրավող ու կրթական կոնտենտի վրա։ Նման մոտեցումը խթանում է իրական երկխոսություն, պարզապես գովազդի փոխարեն։
Արհեստական բանականությամբ ստեղծված տեքստերից, նկարներից և տեսահոլովակներից մինչև chatbot-եր և գովազդների անհատականացված թիրապխավորում, արհեստական բանականությունը սոցիալական հարթակների մարքեթինգն ավելի արագ ու արդյունավետ է դարձնում։
Ըստ Statista հարթակում հրապարակումներից մեկի՝ մարքեթոլոգների 38%-ի կարծիքով արհեստական բանականությունը բարելավում է արդյունավետությունը, մինչդեռ մյուսներն ընդգծում են թրենդային կոնտենտ ստեղծելու և գաղափարներ գեներացնելու ունակությունը։
Արհեստական բանականությունը ձևափոխում է նաև սոցիալական հարթակներում գովազդների տարածման սկզբունքը։ TikTok-ի Smart+ գործիքը բրենդներին օգնում է ավտոմատիզացնել արշավների վերահսկումը՝ օպտիմիզացնելով թիրախավորումը, բիդդինգը և իրականացման կրեատիվ կողմը։
Ռազմավարական ինսայթ. Արհեստական բանականությունը խնայում է ժամանակդ, նոր մտքեր է տալիս, և օպտիմիզացնում է կոնտենտը։ Սակայն հաղթող բրենդները նրանք են, որոնք արհեստական բանականությունն օգտագործում են որպես գործիք, այլ ոչ թե կրեատիվ մտքին փոխարինող։
Քանի որ ապառողների 81%-ը գնահատում է բրենդի վստահությունը, կազմակերպությունները դիմում են աշխատակիցների կողմից գեներացվող կոնտենտի օգնությանը (EGC) իսկականությւոն ստեղծելու համար։ Նախկինում նման կոնտենտը սահմանափակված էր միայն LinkedIn-ով, իսկ այսօր այն զարգանում է Instagram-ում և TikTok-ում՝ ցուցադրելով կազմակերպությունների ներսում կատարվող իրական աժիոտաժը։
Մարքեթինգից բացի, EGC-ն նաև ամրապնդում է աշխատանքի ընդունման գործընթացը՝ աշխատողներին ցուցադրելով կամզակերպության իրական մթնոլորտը։
Գործնական ինսայթ.
Պարզ կոնտենտ ավելի լավ է աշխատում. կարճ հոլովակները, աշխատողների կողմից վարվող բլոգը և ամենասովորական փոդքասթերը կարող են շատ լավ և ոչ ծախսատար միջոց լինել։
4. Կարճ հոլովակները գերիշխում են օգտատերերի ներգրավման գործում
Քանի որ TikTok-ը, Instagram-ի Reels-ը և YouTube-ի Shorts-ը գորիշխում են սոցիալական հարթակներում, կարճ հոլովակները դարձել են լսրանի ներգրավման գործումա մենաարդյունավետ եղանակը։ Meta-ի հաշվետվությւոնների համաձայն՝ Facebook-ում և Instagram-ում անցկացրած ժամանակի 60%-ն այժմ ծախսվում է հոլովակներ թերթելու վրա, ինչն էլ ապացուցում է նրանց ազդեցությունը։
Իսկ ինչպե՞ս կարճ հոլովակները գրավիչ դարձնել սոցիալական հարթակներում.
- Հոլովակը պետք է ուղղահայաց տեսք ունենա,
- Օգտագործեք տարբեր աուդիոներ ներգրավվածության մակարդակը մեծացնելու համար,
- Մնացեք «անվտանգ գոտում» ('safe zone'),
- Նկարեք կարճ բայց իմաստալից հոլովակներ,
- Հրապարակումների տակ ավելացրեք կոնտեքստին համապատասխան տեքստ (caption)
Կրեատիվ ինսայթ. աշխատողների կողմից ստեղծված կոնտենտը վստահություն է առաջացնում բրենդի նկատմամբ։ "Կադրից դուրս" հոլովակները, հոլովակ-ուղեցույցները և ոչ արհեստական պահերը կարող են ներգրավվածություն ապահովել՝ միևնույն ժամանակ բրենդն ավելի վստահելի դարձնելով։
Մինչ ինֆլուենսերները դեռևս կարևոր դեր են խաղում մարքեթինգի մեջ, բրենդներն իրենց ուշադրությունը թեքում են հաճախորդների վրա։ Ասյպիսով նրանք հավատարիմ հաճախորդներին դարձնում են իրենց բրենդի ամբասադոր։ Միայն ինֆլուենսերների վրա հույս դնելու փոխարեն, կազմակերպություններն իրենց իրական հաճախորդներին ներառում են իրնեց արշավների մեջ՝ ամրապնդելով նրանց հետ կապը, ինչպես նաև իսկականությունը լավագույնս ցուցադրելու համար։
Գեղեցկության բրենդները, ինչպիսիք են Topicals-ը և Refy-ն ավելի է զարգացրել այս գաղափարը՝ միջոցառում կազմակերպելով և' ինֆլուենսերների, և' հաճախորդների հետ։ Այս բրենդները ցուցյ են տվել, որ վճարով համագործակցության համար ներգրավված հաճախորդները նույնքան արժեքավոր են և կարևոր, որքան ինֆլուենսերները։
Բրենդի ինսայթ. Եթե ձեր բրենդը հավատարիմ հաճախորդներ ունի, ապա անպայման ներգրավեք նրանց։
Հատուկ միջոցառումների կամ նվերների միջոցով փորձեք ներգրավել հաճախորդներին ավելի ուժեղ կապեր ու հավատարմություն ստեղծնելու նպատակով
Սոցիալական հարթակներում արդիական մնալու համար պետք է հարմարվել օգտատերերի բնավորության փոփոխություններին, ինչպես նաև հարթակների նորություններին։ Օրեցոր ավելանում են սոցիալական նոր հարթակներ, արհեստական բանականությունը փոխակերպում է կոնտենտի ստեղծման գործընթացը, իսկ ավանդական ռազմավարությունները կորցնում են իրենց ազդեցությունը։
Մինչդեռ, կարճ հոլովակները շարունակում են գերիշխել, իսկ բրենդների համար հաճախորդների կողմից ստեղծված կոնտենտն ավելի կարևոր է, քան ինֆլուենսերները։
2025 թվականին հաջողության հասնելու համար, բիզնեսները պետք է ընդունեն այս փոփոխությունները, կենտրոնանան իսկականության վրա, ինչպես նաև մարդկանց ներգրավելու նոր եղանակներ գտնեն։
