Ուղղեք ցանկացած հարց, և մենք սիրով կպատասխանենք ձեզ մեկ օրվա ընթացքում, ինչպես նաև կօգնենք ընտրել համապատասխան դասընթացը

Career
թվային մարքեթինգի թրենդները 2025 թվականին
Սոցիալական մեդիան, արհեստական բանականությունը և կոնտենտ մարքեթինգը զարգանում են նոր ուղղություններով։
թվային մարքեթինգի թրենդները 2025 թվականին
Սոցիալական մեդիան, արհեստական բանականությունը և կոնտենտ մարքեթինգը զարգանում են նոր ուղղություններով։
Ի՞նչն է այսօր ակտուալ։
Սոցիալական մեդիան, արհեստական բանականությունը և կոնտենտ մարքեթինգը զարգանում են նոր ուղղություններով։ Բրենդներն իրենց առաջատար դիրքը պահպանելոու համար պետք է հարմարվեն այս փոփոխություններին և իրենց հրապարակումները համապատասխանեցնեն ժամանակի պահանջներին։

Ինչի՞ վրա է պետք կենտրոնանալ։ Ի՞նչն է այսօր լավ աշխատում, իսկ ի՞նչն է աստիճանաբար կորցնում իր ազդեցությունը։ Եվ ամենակարևորը՝ ինչպե՞ս մշակել մարքեթինգային ռազմավարություն, որը քեզ միշտ մեկ քայլ առաջ կպահի մրցակիցներից։

1․ Որակյալ կապերն ավելի արժեքավոր են, քան գովազդները
Անվերջ գովազդների դարաշրջանն ավարտվում է։ Մարդիկ նախընտրում են նոր հարթակներ, ինչպես, օրինակ, Bluesky-ն և Threads-ը, որտեղ անկեղծ հաղորդակցությունը ավելի մեծ արժեք ունի, քան պարզապես գովազդները։

Ի՞նչն է աշխատում հիմա.
  • Աշխատակիցների իրական պատմությունները շատ ավելի մեծ ներգրավվածություն են ապահովում, քան ստանդարտ կորպորատիվ հաղորդագրությունները։
  • Հաճախորդների փորձառությունները շատ ավելի ազդեցիկ են, քան ինֆլուենսերների գովազդային հրապարակումները
  • Օգտատերերի կողմից ստեղծված կոնտենտն ավելի մեծ հետաքրքրություն է առաջացնում, քան բրենդների գովազդային արշավները։

Ուստի կարող ենք եզրակացնել, որ մարքեթինգային հաջողությունն այլևս կախված չէ միայն գովազդներից։ Անկեղծ պատմությունները, հաճախորդների փորձառությունը և իրական կապերն այսօր ավելի ազդեցիկ են, քան երբևէ։

Ի՞նչ կարող ես անել հաջողության հասնելու համար․
  • Ստեղծիր միջավայր լսարանի հետ իրական շփումների համար։
  • Խրախուսիր աշխատակիցներիդ՝ կիսվելու իրենց աշխատանքային առօրյայով և հետաքրքիր պատմություններով։
  • Ամենակարևորը՝ ներկայացրու, թե ինչպես են իրական հաճախորդները օգտագործում և սիրում քո արտադրանքը

2. Արհեստական բանականությունը պետք է օգնի, ոչ թե փոխարինի մարդուն
Թեև արհեստական բանականությունը (AI) հզոր գործիք է, այն լավագույնս աշխատում է, երբ համադրվում է մարդկային փորձի և ինտուիցիայի հետ։

Մարդիկ հոգնում են AI-ի գեներացրած ռոբոտացված կոնտենտից և իսկապես գնահատում են անհատականացված մոտեցումը, որը կարելի է ստանալ AI-ի և մարդու աշխատանքի համադրությամբ։
3. Որոնման հնարավորությունները փոխվում են
Google-ը այլևս միակ առաջատար որոնողական հարթակը չէ։
Երիտասարդները հաճախ իրենց որոնումները սկսում են TikTok-ում կամ Instagram-ում, իսկ ձայնային օգնականները, ինչպիսին Siri-ն է, ամբողջապես փոխում են որոնման ֆորմատը։

Սպառողների համար տեսանելի լինելու համար․
  • կոնտենտը դարձրու հեշտ որոնելի սոցիալական մեդիայում,
  • օգտագործիր բնական, խոսակցական ոճ՝ սպառողներին ավելի հասկանալի լինելու համար
  • տեղեկատվությունը ներկայացրու այնպես, որ այն հասկանալի լինի թե՛ AI-ին, թե՛ մարդկանց։
4. Կոնտենտ, որն ամուր կապ է ստեղծում
AI-ը կարող է արագացնել կոնտենտի ստեղծման գործընթացը, բայց իրական արժեքը ստեղծվում է մարդկային շփման արդյունքում։ Ուստի՝

  • Թարմացրու քո հին, բայց հաջողված կոնտենտը՝ հաճախ դա ավելի արդյունավետ է, քան նոր ստեղծելը։
  • Համատեղիր AI-ի հնարավորություններն ու մարդկային պատմությունները՝ կոնտենտը դարձնելով ավելի գրավիչ։
  • Հիշիր, որ երիտասարդ սերունդը (Generation Alpha) նախընտրում է ինտերակտիվ, վիդեոի վրա հիմնված կոնտենտ։
Ի՞նչ է սպասվում

  • 2025-ին մարքեթինգային հաջողությունը կախված չի լինի միայն նոր տեխնոլոգիաներին ու թրենդներին հետևելուց։ Այն կլինի թվային գործիքների և իրական մարդկային կապի խելամիտ համադրման արդյունք։
  • Ապագան այն բրենդներինն է, որոնք կմիավորեն տեխնոլոգիան և մարդկային իրական էմոցիաները։
  • Հետևիր LinkedIn-ում մեր էջին, որպեսզի միշտ տեղեկացված լինես ոլորտի նորություններից։
Տեսնել մյուս հոդվածները
Made on
Tilda