ինչու են բրենդներն էմոցիոնալ գովազդներ օգտագործում,
եվ ինչպես արդյունավետ կերպով չափել էմոցիաները
Մարդիկ կարող են մոռանալ բրենդի իմաստը, բայց ոչ երբեք այն զգացողությունները, որ ապրում են բրենդի հետ։
ինչու են բրենդներն էմոցիոնալ գովազդներ օգտագործում,
եվ ինչպես արդյունավետ կերպով չափել էմոցիաները
Մարդիկ կարող են մոռանալ բրենդի իմաստը, բայց ոչ երբեք այն զգացողությունները, որ ապրում են բրենդի հետ։
Մարդիկ կարող են մոռանալ բրենդի իմաստը, բայց ոչ երբեք այն զգացողությունները, որ ապրում են բրենդի հետ։

Ներկայիս մարքեթինգային աշխարհում, որտեղ սպառողները գերբեռնված են տեղեկատվության տարափով, աչքի է ընկնում էմոցիոնալ գովազդը։ Այն բրենդները, որոնք փորձում են էմոցիոնալ կապ հաստատել սպառողների հետ՝ լինի դա ուրախության, նոստալգիայի, զարմանքի կամ ապրումակցման զգացողությունների տեսքով, կարողանում են ավելի տևական կապեր հաստատել հաճախորդների հետ, իսկ հաճախորդներն իրենց հերթին դառնում են բրենդին հավատարիմ։

Իսկ ինչպե՞ս հասկանալ՝ արդյոք ձեր էմոցիոնալ գովազդն իրոք աշխատում է

Զգացմունքները շոշափելի չեն, բայց նյարդաբանության և արհեստական բանականության շնորհիվ բրենդներն այժմ կարող են ավելի արդյունավետ կորպով չափել էմոցիաները, քան երբևէ։

Եկեք հասկանանք՝ ինչու է էմոցիոնալ գովազդն այսքան արդյունավետ, ինչպես են տարբեր էմոցիաներ ազդում սպառողի վարքագծի վրա, և ինչպես կարող են բրենդները չափել դրանց ազդեցությունը։
ԻՆՉՈՒ ԵՆ ԲՐԵՆԴՆԵՐՆ ԷՄՈՑԻՈՆԱԼ ԳՈՎԱԶԴ ՕԳՏԱԳՈՐԾՈՒՄ
Սովորաբար գնումների ժամանակ մարդիկ միայն տրամաբանությամբ չեն որոշումներ կատարում. դրանց 95%-ն իրականանում է ենթագիտակցաբար՝ հիմնվելով մարդկային էմոցիանորի վրա։ Ոսումնասիրությունը ցույց է տալիս, որ էմոցիոնալ ազդեցություն ունեցող գովազդները տրամաբանական գովազդներից կրկնակի մեծ ազդեցություն են ունենում։
Նեյրոգիտության տվյալների համաձայն՝ էմոցիաներ արթնացնող գովազդներն ավելի ամուր կապեր են ստեղծում, ինչը 70%-ով ավելի հավանական է դարձնում հաճախորդի հավատարմությունը բրենդի նկատմամբ։

  • Էմոցիոնալ գովազդներն ավելի ամուր կապեր են ստեղծում։ Երբ մարդիկ էմոցիոնալ ազդակներ են ստանում գովազդից, նրանք ավելի հակված են հիշել և վստահել գովազդվող բրենդին։
  • Նրանք ազդում են որոշումների կայացման գործընթացի վրա։ Մարդիկն գնումներ կատարում են էմոցիաների վրա հիմնվելով, և միայն հետո արդարացնում են գնումները տրամաբանության օգնությամբ։ Ուժեղ գովազդը ոչ միայն տեղեկատվություն է փոխանցում, այլև հասնում է լսարանի զգացմունքներին։
  • Ամրապնդում են բրենդի նկատմամբ հավատարմությունը։ էմոցիոնալ անկեղծ կապեր հաստատող գովազդները բարձրացնում են շարունակական գնումների հավանականությունը 23%-ով, որովհետև հաճախորդները ոչ միայն պարզապես գնում են պրոդուկտը, այլև գնում են հենց բրենդը։
Էմոցիոնալ գովազդները երկարատև կապեր են ստեղծում՝ առօրյա պահերը բրենդի հետ ունեցած կարևոր փորձառություն դարձնելով

Կարևոր է իմանալ.

Եթե ձեր գովազդը էմոցիաներ չի առաջացնում, ապա այն չի կարող մարդկանց դրդել որևէ գործողության։

Ոչ բոլոր էմոցիաներն են նույն կերպ գործում

Տարբեր էմոցիաներ տարբեր արձագանքներ են առաջացնում։ Որոշ էմոցիաներ անմիջապես ուշադրությւոն են գրավում, մինչդեռ մյուսները տևական հավատարմություն են ստեղծում։ Կարևոր է ընտրել ճիշտ էմոցիաներ բրենդի ուղերձը լսարանի սպասելիքներին համապատասխանեցնելու համար։

  • Ուրախությունն ու հուզմունքը թույլ են տալիս բրենդներին ավելի հոգեհարազատ թվալ սպառողներին։

Կոկա-Կոլայի "Real Magic" արշավը համաշխարհային ներգրավվածություն ապահովեց, որովհետև երջանկությունը վարակիչ է. մարդիկ հակված են կիսվել դրական փորձառություններով։

  • Սերը և նոստալգիայի զգացողությունն ամրապնդում են էմոցիոնալ կապվածությունը։
Apple-ի՝ տոներին ընդառաջ տարածվող գովազդներն ընտանեկան թեմատիկա և նոստալգիա են տարածում՝ այսպիսով զարգացնելով սենտիմենտալ կապվածությունն ու բարելավելով բրենդի նկատմամբ հավատարմությունը։

  • Զարմանքն ու հետաքրքրվածությունը ապահովում են լսարանի անընդհատ ներգրավվածությունը։
Անսպասելի ավարտով գովազդները, ինչպես օրինակ Old Spice-ի հումորային “The Man Your Man Could Smell Like” գովազդը, բարձրացնում է կրկնակի գնման մակարդակը, քանի որ մարդկային ուղեղը կարևորում է ամեն նորը։

  • Տխրություն և ապրումակցումը խորը էմոցիոնալ արձագանք են առաջացնում
Ջոն Լյուիսի սուրբծննդյան գովազդները հուզում են լսարանին անգամ մինչև արցունքներ, բայց էմոցիոնալ նման պոռթկումը կարող է ռեկորդային թվերի հասցնել սոցիալական հարթակներում տարածվածության աստիճանը և նույնիսկ խանութի ներսում առևտրի մակարդակը։
Էմոցիոնալ գովազդները երկարատև կապեր են ստեղծում՝ առօրյա պահերը բրենդի հետ ունեցած կարևոր փորձառություն դարձնելով

Էմոցիոնալ լավ գովազդները միայն չեն զվարճացնում. դրանք այնպիսի ուժեղ կապ են ստեղծում լսարանի հետ, որ ազդեցությունը շարունակում է մնալ նույնիսկ գովազդի ավարտից հետո

Ինչպե՞ս կարելի է չափել էմոցիաները գովազդի մեջ.

Էմոցիաները չափելը կարող է անհնար թվալ, սակայն նեյրոգիտության և արհեստական բանականության մեջ նոր առաջխաղացումների շնորհիվ բրենդներն արդեն կարող են հետևել՝ ինչ էմոցիաներով են մարդիկ արձագանքում գովազդներին ։

  • Նեյրոգիտական հետազոտություն
Nike-ի և P&G-ի նման բրենդներն օգտագործում են դեմքի կոդավորում, աչքի և ուղեղի սկանավորում՝ տեսնելու, թե ինչպես են հաճախորդները անգիտակցաբար արձագանքում գովազդին: Նման սարքավորումների օգնությամբ կարելի է բացահայտել, թե որ պահերն են ուրախություն, ներգրավվածություն կամ անհետաքրքրություն առաջացնում։

  • Արհեստական բանականությամբ իրականացվող վերլուծություն
Արհեստական բանականության գործիքները կարող են վերլուծել սոցիալական հարթակներում ներգրավվածությունը, մեկնաբանությունները և տրամադրության փոփոխությունները, որպեսզի չափեն՝ ինչպես են էմոցիաները վերածվում իրական ներգրավվածության։

  • Էմոցիաների ջերմային քարտեզներ (Emotional Heatmaps)
Նոր գործիքները էմոցիաների ջերմային քարտեզներ են ստեղծում՝ հստակ ցույց տալով, թե գովազդի որ հատվածներն են ամենաուժեղ արձագանքը ստացել։ Սա օգնում է բրենդներին բարելավել storytelling-ը։

Եթե կարող ես չափել էմոցիաները, կարող ես նաև օպտիմիզացնել դրանք ավելի ազդեցիկ գովազդ ստանալու համար։

ԱՄՓՈՓՈՒՄ
Էմոցիոնալ գովազդը միայն սթորիթելինգ չէ. այն գիտություն է։ Այն բրենդները, որոնք հասկանում, առաջացնում ու չափում են էմոցիաները, կարող են մշակել մարքեթինգային այնպիսի արշավներ, որոնք կապում, համոզում և իրական գործողոթյունների են դրդում մարդկանց։

Գովազդի ապագան մարդկային էմոցիաներն ավելի խորապես հասկանալու մեջ է։ Որքան լավ կարող է բրենդը նման էմոցիաներ առաջացնել ու չափել դրանք, այնքան ավելի արդյունավետ կարող են լինել նրանց արշավները։
Made on
Tilda