Մեր աշխարհում, որտեղ սպառողները հակված են արագ ու անդադար թերթելուն, մեծ ակնկալիքներ ունեն և մեկ ակնթարթում կարող են մի բրենդից մյուսին անցնել, մարքեթինգը կենտրոնանում է ձեռքբերումների վրա։


Իսկ իրական ձեռքբերումն, իհարկե, հաճախորդների

ներգրավվածության ապահովումն է։

Դե, իսկ ներգրավվածության հիմքում մեկ հզոր գործիք է

լոյալության ծրագիրը
Լոյալությունը գնման կետերի պարզ սխեմայից անցել է շատ ավելի բարդ ու ավելի կարևոր մակարդակի։ Այն ոչ միայն հաճախորդներին հետ բերելու եղանակ է, այլև նոր էկոհամակարգ է ստեղծում, որտեղ հաճախորդները ցանկանում են մնալ, գումար ծախսել և կիսվել էմոցիաներով։
լոյալությունն ԱՆՑՅԱԼՈՒՄ ՉԷ.
ՊԱՐԶԱՊԵՍ ԲԱՐԴ Է ՀԱՍՆԵԼ ԴՐԱՆ
Բանն այն է, որ բրենդները սկսել են ավելի շատ պարգևոտրումներ առաջարկել, քան երբևէ, սակայն լոյալություն ձեռք բերելը գնալով ավելի բարդ գործընթաց է դառնում։
Հաճախորդները միջինում 14 լոյալության ծրագրի մեջ են ներգրավված, սակայն ակտիվություն ցուցաբերում են դրանցից գրեթե միայն կեսի շրջանակներում։
Ինչո՞ւ. որովհետև այդ ծրագրերից շատերը գործարքային կամ ընդհանրական են թվում։


Ըստ Digital Marketing Institute-ի՝ լոյալությունն այլևս միայն պարգևատրումները չեն. այն ընդլայնվում է մինչև անհատականացված մարքեթինգ։ Վերջինս իրենից ենթադրում է իմաստալից, անհատականացված և հաճախորդների արժեքներին համապատասխան փորձառությունների ստեղծման գերծընթաթը։
Լոյալություն, որն իսկապես աշխատում է.
2025 թվականի լոյալության լավագույն ծրագրերը չեն սահմանափակվում միայն պարգևներով. դրանք նաև ճանաչում են իրենց հաճախորդներին։

Այս ծրագրերը պասիվ գնորդներին դարձնում են բրենդի ամբասադորներ։ Իսկ տվյալ բրենդից մեկ անգամ գնում կատարած հաճախորդներին դարձնում են բրենդի կողմնակիցներ ամբողջ կյանքի ընթացքում։

ԱՅՍ ԲՐԵՆԴՆԵՐԸ հաջողության են հասնում, ՈՐՈՎՀԵՏԵՎ.

  • ԶԳԱՑՄՈՒՆՔԱՅԻՆ ԱԶԴԵՑՈՒԹՅՈՒՆ ՈՒՆԵՆ.
    Հաճախորդներն իրենց գնահատված են զգում
  • ՊԱՅՄԱՆԱՎՈՐՎԱԾ ԵՆ ԳՈՐԾՆԱԿԱՆ ՆՊԱՏԱԿՆԵՐՈՎ.
    Ստացված օգուտն իրական խնդիրներ է լուծում, կամ իրական գումար է խնայում
  • ՀԻՄՆՎԱԾ ԵՆ ՀԱՄԱՅՆՔԻ ՎՐԱ.
    Մարդիկ ուզում են ավելի մեծ համայնքի մաս կազմել, քան պարզապես գործարքային ծրագրերն են
Դիտարկենք Starbucks-ը, որտեղ օգտատերերը մուտք են գործում հավելված ոչ միայն սուրճ պատվիրելու, այլև անհատականացված վերաբերմունք զգալու համար։

Կամ The North Face-ը, որտեղ լոյալությունը կապված է հեշտ մուտքի, էքսկլյուզիվ միջոցառումների և կայուն զարգացման հետ։
Այս բրենդները լիովին հասկանում են ինչ է իրականում լոյալությունն այսօր. կապեր։
տվյալներ, անհատականացում եվ արհեստական բանականության առավելությունը
Տեխնոլոգիաները լոյալությունն ավելի սմարթ, բայց ավելի պահանջող են դարձնում։ Հաճախորդների տվյալներին ավելի մեծ հասանելություն ունենալով՝ բրենդներից իրական կյանքում անհատականացված փորձառություն է ակնկալվում։
ինչպես է դա արտահայտվում
  • Վարքագծին համապատասխան դինամիկ առաջարկներ։
  • Սեգմենտավորում, որը կանխատեսում և կանխարգելում է գնումների կանգը։
  • Միջալիքային սինխրոնիզացիա, որի շնորհիվ լոյալությունը հետևում է հաճախորդներին email, in-store, in-app հարթակներով, և ոչ միայն։
Արհեստական բանականությունը միայն հավելյալ տեխնոլոգիա չէ. այն գնալով ավելի կարևոր է դառնում լոյալությանն ուղղված ռազմավարությունների համար։ Ապագան այժմ այնպիսի ծրագրերի ձեռքերում է, որոնք զարգանում են ժամանակին համահունչ, այլ ոչ թե ամիսներ անց։
ՎՍՏԱՀՈՒԹՅՈՒՆԸ ՀԻՄՔ Է
Կոնկրետ անհատականացման հետ գալիս է մեծ պատասխանատվություն։

Հաճախորդներն այժմ ավելի զգոն են գաղտնիության պահպանման հարցում, քան երբևէ։ Նրանք թափանցիկություն ու վերահսկողություն են փնտրում։ Նրանք ուզում են վստահ լինել, որ իրենց տվյալները տարածելով օգուտ կստանան հենց իրենք, այլ ոչ միայն բիզնեսը։

Սմարթ բրենդները տվյալների փոխանակումը դարձնում են արժեքների փոխանակում.
«Դուք մեզ ինսայթներ եք տալիս, իսկ մենք՝ ավելի լավ փորձառություն, ավելի սմարթ առավելություններ ու օգտակար մրցանակներ»։
ԻՆՉՊԵՍ ԵՆ ԱՅՍՕՐ ՀԱՋՈՂՈՒԹՅԱՆ ՀԱՍՆՈՒՄ
ԼՈՅԱԼՈՒԹՅԱՆ ԾՐԱԳՐԵՐԸ
2025 թվականին իսկապես հաջողության հասնելու համար լոյալության ծրագրերը պետք է հետևողական լինեն հետևյալ 3 հիմնական կետերին։
  • Անխափան ու հեշտ փորձառություն
    Եթե հաճախորդի համար դժվար է օգտվելը, նա անպայման կհեռանա։ Օգտատիրոջ անխափան փորձառությունը պարտադիր պայման է։
  • Էմոցիոնալ արժեքներ
    Մարդկանց հավատարմությունը չի սահմանափակվում միայն միավորներով. նրանք հավատարիմ են մնում բրենդի կողմից տրվող զգացմունքների համար։
  • Երկարատև մտածմունքներ
    Կարճաժամկետ ակցիաները կարող են վաճառքի բերել, իսկ մնայուն արժեքները տևական հարաբերություններ են կառուցում։
Լոյալության խաղում հաղթում են այն բրենդները, որոնք դա դիտարկում են ոչ թե որպես տակտիկա, այլ՝ որպես ռազմավարություն, որը սերտ կապ ունի պրոդուկտի, մարքեթինգի, հաճախորդների սպասարկման և բրենդի առաքելության հետ։
Լոյալության հաջողակ ծրագրեր
Այս բրենդներն ապացուցում են, որ երբ լոյալությունն իմաստալից է լինում,
այն միշտ արդյունք է տալիս։
1. Starbucks Rewards
  • Ներգրավող բջջային UX դիզայնը, Spotify-ի անխափան ինտեգրացիան և բաժինների ճիշտ դասավորությունը նպաստում են, որ հաճախորնդերն ամեն օր մուտք գործեն համակարգ։
  • Հավելվածն ապահովում է շաբաթական ներգրավում օգտատերերի 71%-ի կողմից։
2. Walgreens Balance Rewards
  • Բրենդի արժեքներին համահունչ առողջ ապրելակերպ խրախուսելու համար ֆիթնես հավելվածների ինտեգրացիա։
  • Արդյունքը՝ հավատարմության վրա հիմնված վաճառքների տարեկան աճ 6.2%-ով։
3. Nordstrom’s Nordy Club
  • Հիպեր-անհատականացված փորձառություն, որը ներառում է նույնիսկ ոճաբանների կողմից այցելություններ բարձրակարգ անդամների համար։

Nordstrom-ի հիմնական եկամուտի 55%-ն այս պահին գալիս է լոյալության անդամներից։
Հիմնական ինսայթը.
էմոցիոնալ արժեքներ + օգտակարություն = հավատարիմ լսարանի պահպանման ցուցանիշ
լոյալությունը երկար
ժամանակ եվ ջանքեր է պահանջում
Հաճախ հավատարմության ծրագրերը ընկալվում են որպես մեծ ծախսերի կենտրոն՝ արժեքներ «նվիրելու» մեթոդ։ Բայց իրականում ճիշտ հակառակն է։

Հավատարմությունն այն ամենաուժեղ գործիքներից է, որը կարող է բազմապատկել ձեր եկամուտը։

Այն խթանում է հաճախորդների պահպանումը, բարձրացնում է միջին գնումների արժեքը, ամրապնդում է բրենդի հանդեպ վստահությունը և մեծացնում է նրանց կողմից բրենդը խորհուրդ տալու հավանականությունը։ Իսկ երբ այն ճիշտ է կազմակերպված, ձեր հաճախորդները դառնում են ձեր լավագույն մարքեթոլոգները։

Այսպիսով, հաջողության հասնելու համար, մի՛ հարցրեք միայն՝ ինչպես կարող եմ նոր հաճախորդներ ներգրավել։

Հարցրե՛ք նաև՝ ինչպես կարող եմ պահել իմ ներկա հաճախորդներին, զարգացնել նրանց և դարձնել այնպես, որ նրանք կրկին ու կրկին սիրահարվեն իմ բրենդին։
Made on
Tilda