Ուրախ եմ, որ հնարավորություն եմ ունեցել աշխատելու BSMI թիմի հետ: Ու ես աշխատելիս բավականին կոմֆորտ զոնայում եմ եղել․ ոչ մի ավելորդ ձևականություն։ Ու կյանքում առհասարակ շատ արժեքներ կան, որոնք ինձ համար շատ կարևոր են: Ես անսահման ուրախ եմ, որ ճանաչել եմ BSMI թիմին թե՛ գործնականում, և թե՛ “Global marketing in 5 months” դասընթացի շրջանակներում։

Անչափ շնորհակալ եմ “Global marketing in 5 months” դասընթացին, որն ինձ հնարավորություն տվեց դնելու սկիզբը ու հասկանալու, որ սա այն ոլորտն է, որտեղ ես ուզում եմ լինել ու հասնել իմ բարձրագույն կետին: Շատ շնորհակալ եմ նաև Ելենայի խստության համար, քանի որ Ելենայի շնորհիվ սկսեցի էլ ավելի շատ սիրել ու հասկանալ դիջիթլ մարքեթինգը: Ու նույնն էլ իհարկե կասեմ Անգելինայի մասին, որովհետև այն մարդականցից է BSMI-ում, ով շատ մեծ դեր է խաղացել ինձ համար:

Ես ուզում էի “Global marketing in 5 months”-ի առաջին հոսքին մասնակցել, երբ դպրոցը դեռ նոր էր բացվել, սակայն քովիդի պատճառով չկարողացա։

Ու այդպես տարիներ շարունակ մտածել եմ, որ անպայման պետք է գնամ ու սովորեմ Գլոբալ մարքեթինգ: Արդեն դասընթացի 7-րդ մեկնարկի մասին իմանալուց հետո միանգամից որոշեցի ու եկա:

Շատ դրական միջավայր էր։ Ինձ համար շատ կարևոր ամիսներ էին` փոփոխության ու լեվլ ափ ամիսներ: Ստրատեգիայի փուլը բավականին հեշտ էր ինձ համար, մի փոքր ավելի բարդ էր դիջիթլից մի հատված, բայց կարողացա հաղթահարել:

Ես առաջին անգամ BSMI-ում եղել եմ 2020 թվականին ու մասնակցել եմ ֆոկուս խմբին: Այդ օրվանից սիրել եմ BSMI-ը ու 3 տարի սպասել եմ, որ գամ ու մասնակցեմ “Global marketing in 5 months” դասընթացին: Առհասարակ չգիտեի, թե մարքեթինգը ինչ է, ինչ եմ սովորելու: Գալուց հետո ավելի ինքնավստահ եմ դարձել: Դիջիթլի հատվածը ավելի բարդ էր, բայց կատողացա դա էլ հաղթահարել: Ու շատ շնորհակալ եմ ողջ թիմից:

Առաջին հերթին ուզում եմ շնորհակալություն հայտնել այն բարի մարդուն, ով վերջին օրով չեղարկեց իր մասնակցությունը Գլոբալ մարքեթինգի դասընթացին, ու ես հնարավորություն ունեցա միանալու խմբին :) Այսօր արդեն արդյունքներն ավելին են, քան սպասելիքներս : Գիտելիքների որակը, այդ որակը ուսանողներին փոխանցելու մատչելիությունը ու ուսանողի հարմարավետությունը առաջնային համարող դպրոցը կատարյալ մոդելի օրինակ է ՀՀ կրթական համակարգի համար : Էստեղ կրթականից մինչև տեխնիկական յուրաքանչյուր հարց ունի իր հստակ լուծումը : Ծանոթություն, որակյալ գիտելիք և մշտական կապ ոլորտի լավագույն մասնագետների հետ․ սա այն է, ինչ պետք է ցանկացած մարթեքոլոգի, և Հայաստանում տարիներ են պահանջվում դրան հասնելու համար : Ես ունեմ այս ամենն այսօր BSMI-ի շնորհիվ : Բացի նոր մասնագիտությունից և մարդկային մի շարք որակներից՝ ես ևս մեկ շատ կարևոր բան սովորեցի դպրոցի հիմնադիր Աննա-Մարիից․ երբ պատերազմից հետո անընդհատ երկիրը լքելու մասին մտքեր էին գալիս, Աննա-Մարիի օրինակով հասկացա, որ ինչպես մարքեթինգում, այնպես էլ կյանքում, խնդրից թողնել փախչելը լուծում չի :

Պետք է կարողանաս հասկանալ խնդիրը, վերլուծել այն ու գտնել ամենալավ արդյունքի հանգեցնող լուծումը տվյալ խնդրի համար։ Հիմա եմ հասկանում, որ ինքն ու իր պես մի քանի մարդ տեսել են մեր երկրին այդքան մեծ վնաս հասցնող խնդիրը` կրթության մակարդակը, և եկել են իրենց ներդրումն ունենալու այդ խնդրի լուծման մեջ : Շնորհակալ եմ, BSMI թիմ։

Երբ արդյունքը գերազանցում է (այն էլ մի քանի անգամ) սպասելիքներդ : Կես տարի, բայց մի նոր աշխարհի բացահայտում, նոր մտածելակերպի ձևավորում, նոր հնարավորություններ, շատ պրոֆեսիոնալ մարդկանց հետ կապեր, թարմ, անփոխարինելի գիտելիքներ և այս ամենը լավագույն մարքեթինգային դպրոցի՝ BSMI-ի շնորհիվ միջազգային չափանիշներին համապատասխանող նորարարական դպրոց հայկական իրականության մեջ Կյանքիս լավագույն կես տարին անցավ այստեղ : Ու այսօր ես վստահ կարող եմ ասել, որ մեկ քայլ ավելի մոտ եմ երազանքիս : Այսօր իմ երեկվա «ես»-ից մի փոքր ավելի լավն եմ ու ավելի վստահ ինքս ինձ վրա : Ու ամենից շատ շնորհակալ եմ Ձեզ, Աննա-Մարի ջան Դուք մեծ գաղափարի շուրջ համախմբել եք ոլորտի լավագույն դասախոսներին, դուք անում եք ամենաբարի գործը՝ տալիս եք որակյալ կրթություն՝ բազմաբովադակ նյութերով, մեծ էներգիայով ու մեծ սիրով : Անչափ երջանիկ մարդ եմ ինձ համարում, որ Ձեզ ճանաչում եմ : Դուք եղել եք այն մարդը, ում ցանկացել ենք նմանվել, Ձեզանից անընդհատ սովորել ենք ու ամեն օր աշխատել մեզ վրա : Հայաստանը Ձեզ պես մասնագետների կարիք ունի...
Շնորհակալ եմ կյանքիս գույներ տալու ու ինձ ավելի լավը դարձնելու համար : Շատ կկարոտեմ Ձեզ, դպրոցի դրական ու առողջ մթնոլորտը, լուսավոր ու անչափ լավ մարդկանց :
Իսկ այն մարդիկ, ովքեր ընտրել են BSMI-ը, ուզում եմ ասել, որ դուք կատարել եք ձեր կյանքի ամենալավ ընտրությունը :

Ես վերջին անգամ սովորել եմ 5 տարի առաջ համալսարանում, ու ինձ մոտ այնպիսի տպավորություն էր, որ դասախոսը չի կարող երիտասարդ լինել: Ինձ մոտ բարիեր կար երիտասարդ աղջիկներին վստահելու, բայց, երբ ձեր դասընթացին մասնակցեցի, դուք ինձ համար մեծ մոտիվացիա դարձաք ու իմ կարծիքը փոխվեց դեպի դրականը:

Ես ձեզնից անչափ շնորհակալ եմ:
Ես իսկապես շատ անինքնավստահ էի, բայց հենց առաջին դասերից` սկզբում Անիի դասերից, հետո` Միլենայի, հասկացա` եթե իսկապես ունես ուղեղ, ձգտում, ուրեմն անպայման կհասնես նպատակներիդ:
Շնորհակալ եմ մեծ գիտելիքների, ջերմ մթնոլորտի և նոր հնարավորությունների համար, որոնք կօգնեն մտնել նոր կյանք:

Լիովին արդարացրել եք իմ սպասելիքները: Ես անչափ գոհ եմ դասընթացից: Հիասքանչ դասընթաց էր: Ինձ համար ամեն բան իդեալական էր ու ինձ շատ բան սովորեցրիք: Շատ շնորհակալ եմ:

Շատ շնորհակալ եմ ձեզ գիտելիքների համար, որ ստացել եմ այս ընթացքում: Շնորհակալ եմ, որ լիքը նոր ընկերներ ձեռք բերեցի․ շատ ուրախ եմ: Մի խոսքով, ամեն ինչ լիովին արդարացված էր և իսկապես այստեղից գնալու ենք մեծ գիտելիքներով:

Շատ շնորհակալ եմ ձեզ: Դուք ինձ համար ոչ միայն գիտելիքի, ոչ միայն մարդկային բարձր արժեքների, այլև մոտիվացիայի շատ մեծ աղբյուր եք եղել ու ես էլ իմ հերթին խոստանում եմ անել լավագույնը աշխատանքում: