Ցանկանում եմ շնորհակալություն հայտնել բոլորին, առանձին իմ թիմին և, հատկապես, դասախոսներին։ Շատ ուրախ եմ, որ հենց դուք եք դասավանդել և հենց ձեզանից եմ սովորել։ Կարծում եմ՝ ավելի լավ չէր էլ կարող լինել։ Շատ ուրախ եմ, որ ծանոթացանք և որ ձեզ ունեմ իմ կյանքում։

Ես շատ երկար ժամանակ փնտրտուքների մեջ էի, որովհետև աշխատանքի բերումով մտա մարքեթինգի ոլորտ և փորձում էի ինքս գտնել այն, ինչ ինձ պակասում էր, բայց այդ բացն այդպես էլ չէր լրացվում, և ես որոշեցի ստանալ լիարժեք կրթություն, որի համար շատ-շատ գոհ եմ և շնորհակալ։

Նախ, ուրախ եմ ձեզ ճանաչելու համար։ Իրոք շատ հաճելի էր ձեզ լսել և ձեզ հետ աշխատել։ Ինձ համար շատ կարևոր էր, որ ես գայի և տեսնեի էնտուզիազմ և ես հենց առաջին օրվանից դա տեսել եմ։ Հենց առաջին օրվանից հասկացա, որ իրոք ճիշտ դասընթաց եմ ընտրել, որովհետև շատ եմ փնտրտուքների մեջ եղել։
Շատ շնորհակալ եմ դասերից դուրս իմ բոլոր հարցերին պատասխանելու և մշտապես աջակցելու համար։

Շատ շնորհակալ եմ այստեղ սովորելու հնարավորության համար։ Այստեղ ես, բացի SMM-ի խորացված գիտելիքներից, սովորել եմ, թե ինչպես է պետք աշխատել: Ինձ համար շատ կարևոր էր նաև նոր շրջապատ ձեռք բերելը։ Շատ ուրախ եմ, որ այդքան մարդու հանդիպեցի, ում հետ կիսում եմ նույն հետաքրքրությունները։ Դասերը շատ հետաքրքիր էին և ինչքան էլ հոգնած էինք լինում, միևնույն է կարևոր կետերը մեր մեջ տպավորվում էին, իսկ դա դասախոսների պրոֆեսիոնալիզմի մասին է խոսում։

Երբ իմացել եմ դասընթացի մեկնարկի մասին, միանգամից կապնվել եմ դպրոցի հետ և մեկ ժամում որոշել և միացել։
Շատ ուրախ եմ, որ հենց այս խմբի հետ եմ սովորել, որովհետև խմբակիցներիս շատ-շատ եմ սիրել։
Դասախոսներն այնպիսի ընկերական մթնոլորտ էին ստեղծել, որ առանց վախենալու իրենց դիմում էինք մեր բոլոր հարցերով։ Մի քանի անգամ նույնը կբացատրեին, մինչև լիովին հասկանայինք թեման։

Շատ շնորհակալ եմ։

Ես շատ եմ փնտրել որակյալ դպրոցներ և շատ ուրախ եմ, որ իմ ընտրությունը կանգ է առել BSMI-ի վրա, քանի որ իմ սպասվածից մի քանի անգամ ավելին եմ ստացել այստեղ։ Վստահ եմ որ բիզնեսիս և կարիերայիս համար շատ լավ հիմք կլինի սա։ Շնորհակալ եմ։

Այնպիսի պահի եկա BSMI, որ կասկածում էի՝ ճիշտ մասնագիտություն եմ ընտրել, թե ոչ, բայց ձեր շնորհիվ իմ սերը մարքեթինգի հանդեպ կրկնապատկվեց ու ամրապնդվեց: Ես արդեն շատ վստահ եմ, որ ուզում եմ այդ ուղղությամբ գնալ։ Ամեն ինչ շատ-շատ լավ էր։ Նաև այս ծանոթությունները, որ Ձեզ ճանաչեցի, ինձ համար շատ կարևոր էին։ Շնորհակալ եմ շատ։

Շատ շնորհակալ եմ, թե´ Անիից, թե´ Միլենայից, քանի որ երկուսն էլ շատ մեծ ներդրում ունեն: Ինձ համար BSMI-ը միշտ հետաքրքիր է եղել ու միշտ ցանկացել եմ գրանցվել դասընթացի, ու այս անգամ ստացվեց: Դասընթացի առաջին` ստրատեգիայի բլոկը ինձ համար ավելի հասանելի էր, քանի որ ինչ-որ տեղ գուցե sales-ի հետ եմ կապել: Ինձ համար շատ դժվար տրվեց այս ամենը ժամանակի առումով, բայց ամեն դեպքում, ինձ մոտ ստացվեց, որի համար շատ ուրախ եմ ու շնորհակալ եմ Ձեզ:

Սա մի դասընթաց էր, որի ընթացքում ձեռք բերեցի ոչ միայն լավ գիտելիքի ռեսուրսներ, այլ նաև որակյալ ընկերներ: Շնորհակալություն ձեզ, ձեր մատուցած գիտելիքի համար: Իմ համար ներքին որոշակի հարցեր կային, և դա ինձ անվստահություն էր տալիս, բայց հիմա ես վստահ եմ իմ գիտելիքների հարցում:

Ես երբեք չեմ պատկերացրել, որ մարքեթինգը ինձ կհետաքրքրի, քանի որ իմ ընտրությունը միշտ կանգ է առել լեզուների վրա: Հարազատիս խորհրդով եկա, և Դուք եղաք այն լծակը, որը իմ մեջ բացահայտեց սեր այլ մասնագիտության հանդեպ:

Իմ մասնագիտական զարգացումը բժշկական ոլորտի կառավարման հետ է կապված, ու այս մասնագիտությունը ինձ շատ էր պետք գալու իմ հիմնական մասնագիտության մեջ: Ես հասկացա, որ մարքեթինգը ոչ միայն սեր է, այլ նաև կյանք, ու մեզ ուղորդում է ամբողջ կյանքում: Սա շատ խորը մասնագիտություն է, և որքան էլ սովորես, միևնույն է, սովորելու բան կա: Ես փոխել եմ իմ վերաբերմունքը այս մասնագիտության հանդեպ Ձեր շնորհիվ: Շնորհակալ եմ։

Ուզում եմ իմանաք, որ դուք շատ պրոֆեսիոնալ մարդիկ եք, ու ես միշտ կարող եմ ձեզ դիմել ու վստահ լինել, որ ինձ չեք մերժի: Ու առաջին օրվանից բոլորդ էնքան լավ ու ջերմ եք ընդունել մեզ, որ մենք բոլորս ունենք այդ կարծիքը ձեր մասին: Շատ ենք սիրել ձեզ:

Ես վաղուց գիտեմ BSMI-ը ու վաղուց կար նպատակ BSMI-ում սովորելու կապ չունի, թե ինչ:
Հետո աշխատեցի ու հասկացա, որ գիտելիքներս քիչ են ու ես ուզում եմ ավելի շատ ու լավ գիտելիքներ ունենամ, որպեսզի ավելի լավ պրոյեկտներ անեմ ու հատկապես, որ տեսա Միլենան է դասախոսը հաստատ որոշեցի, որ գալու եմ:
Ես շատ գոհ եմ, որ սենց լավ մթնոլորտ ստեղծեցիք մեզ համար ու ամենակարևորը դուք, թե´ դասախոս էիք, թե´ ընկեր ու շատ լավ հասկանում էինք իրար: Ձեր տված գիտելիքների համար էլ շատ շնորհակալ եմ, հաստատ ոչ մեկը չէր կարողանա տալ էսքան գիտելիք ինչքան` դուք:

Իրականում շատ էի մտածում տարիքի հետ կապված արժի, թե չարժի, բայց մարքեթինգային ոլորտը շատ էր հետաքրքրում ու շատ էի ուզում հենց վաղ տարիքից սկսել իմ ուղին: Ու երկար մտածելուց հետո հասկացա, որ պետք ա ռիսկի դիմեմ: Շատ էի մտածում, որ գուցե չկարողանամ, կամ չհասկանամ, բայց իրականում այնքան մատչելի էիք բացատրում, ես լրիվ ինտեգրվեցի ու ոչ մի կաթիլ չփոշմանեցի որ եկել եմ: Շնորհակալ եմ շատ:

Ես լեզվաբանությունն էի ընտրել ու արդեն առաջին կուրսում էի, բայց ներքուստ վստահ էի, որ դժվար թե այդ ուղղությամբ շարունակեմ ու միշտ հետաքրքրությունը եղել է կոնտենտի ու առհասարակ SMM-ի հանդեպ: Երբ սկսեցի աշխատել արդեն ես` ինքս իմ մեջ զգացի, որ մի բան թերի է ու լիարժեք գիտելիքներ չունեմ ու գալուց առաջ ներքին վախ կար, որ գուցե ստանամ այն ինչը արդեն գիտեմ: Բայց փաստորեն դա այդպես չէր: Ինձ համար նաև շատ կարևոր էր մարդկային շփումը, մթնոլորտը ու այդ ամեն ինչը շատ բարձր մակարդակի վրա էր: Իմ ձեռք բերած գիտելիքները, պատկերացումներն ու փորձառությունները ամեն կերպ գերազանցել են սպասելիքներս: Անչափ շնորհակալ եմ դասախոսներիս իրենց մշտական աջակցության, նվիրվածությունն ու մոտեցման համար:

Ես շատ շնորհակալ եմ ու ուրախ եմ, որ հենց BSMI-ն եմ ընտրել ու եկել եմ այստեղ: Ասել, որ գոհ եմ, նշանակում է` ոչինչ չասել: Թե ձեզնից, թե BSMI-ից, թե ինձ հետ սովորող մարդկանցից: Բոլորին շատ-շատ սիրել եմ ու ինձ անպայման այստեղ նորից կտեսնեք:

Ես շատ շնորհակալ եմ ձեզ, որովհետև այսքան սրտացավ մարդիկ, որ մենք մինչև վերջ մի բանը իմանանք ու տենց հեշտ մատուցեն մեզ` առաջինն եք իմ կյանքում:

Շատ կարևոր է` իմանալը, որ դու ավարտեցիր ու քո մեջքին կա շատ ուժեղ դպրոցն ու դասախոսները, ովքեր քեզ միշտ ասում են, որ քեզ պատրաստ են օգնել: Դա շատ մեծ բան է ու ես տարբեր ոլորտներում աշխատած մարդ ասում եմ, ոտ նման բան շատ քիչ կարելի է հանդիպել: Շատ շնորհակալ եմ, որ շատ լավ էիք տալիս գիտելիքները: Իրականում ես մի քիչ չէի հասցնում, բայց ձեր մատչելի բացատրելու շնորհիվ մի վայրկյան չեմ մտածել, որ ինչ-որ բան կարամ չհասկանամ: Շնորհակալ եմ շատ ընտանեկան մթնոլորտի համար:

Ուրախ եմ շատ, որ ձեզ ճանաչեցի, որ լավ ընկերներ ձեռք բերեցի, վստահ եմ, որ մեր կապը կշարունակվի: Ես էլ հետագայում հաստատ նորից կգամ ու ավելի պրոֆեսիոնալ որակավորումներ կստանամ: Շնորհակալ եմ ձեզ անչափ

Շատ-շատ լավ մթնոլորտ եք ստեղծել ձեր դպրոցում: Ես ամեն երեկո սպասում էի, որ գայի դասի, իսկ գիտելիքների առումով շատ-շատ գոհ եմ, լիքը բաներ սովորեցի, որոնց հետ նախկինում չեմ առնչվել, լիքը-լիքը նոր գիտելիքներ ունեմ, որոնք վստահաբար կարող եմ ասել, որ ինձ օգուտ կտան:

Ես ոլորտում, որպես էդպիսին, աշխատել եմ համալսարանում, ու այն միֆը, որ մարդիկ չեն ուզում իրենց գիտելիքներով կիսվել, իմ մեջ մնացել էր: Բայց այս դասընթացին մասնակցելուց հետո հասկացա, որ կան մարդիկ, ովքեր սրտանց ուզում են, որ մնացած մասնագետներն էլ լավ տիրապետեն իրենց մասնագիտությանը:

Ես վերջին անգամ սովորել եմ 5 տարի առաջ համալսարանում, ու ինձ մոտ այնպիսի տպավորություն էր, որ դասախոսը չի կարող երիտասարդ լինել: Ինձ մոտ բարիեր կար երիտասարդ աղջիկներին վստահելու, բայց, երբ ձեր դասընթացին մասնակցեցի, դուք ինձ համար մեծ մոտիվացիա դարձաք ու իմ կարծիքը փոխվեց դեպի դրականը:

Ես ձեզնից անչափ շնորհակալ եմ:
Ես իսկապես շատ անինքնավստահ էի, բայց հենց առաջին դասերից` սկզբում Անիի դասերից, հետո` Միլենայի, հասկացա` եթե իսկապես ունես ուղեղ, ձգտում, ուրեմն անպայման կհասնես նպատակներիդ:
Շնորհակալ եմ մեծ գիտելիքների, ջերմ մթնոլորտի և նոր հնարավորությունների համար, որոնք կօգնեն մտնել նոր կյանք:

Մարդկային գործոնը ինձ համար ամենակարևորն է: Միշտ որտեղ աշխատել եմ, որտեղ սովորել եմ ինձ համար ամենակարևորը մարդկային գործոնն է եղել․ նույնիսկ, եթե աշխատեմ ինչ-որ սուպեր տեղ, բայց լարված ու վատ մթնոլորտ լինի ես ուղղակի չեմ գնա: Իսկ BSMI-ում մթնոլորտը սուպեր էր։ Ձեզնից լիքը բան սովորել եմ՝ նույնիսկ լինելով ձեզնից մեծ: Շատ բաներ հասկացա․ օրինակ, որ կարելի է շատ ճկուն լինել այս կյանքում, ոչ թե մտածել ուղիղ ու վերջ:
Ձեզ իսկապես շատ եմ սիրել ու ինձ հետ սովորող աղջիկներին ևս շատ-շատ սիրել եմ ու ընտելացել եմ, և առանց իրենց արդեն չեմ պատկերացնում իմ օրը: Հուսով եմ՝ անպայման նորից կհանդիպենք:

Լիովին արդարացրել եք իմ սպասելիքները: Ես անչափ գոհ եմ դասընթացից: Հիասքանչ դասընթաց էր: Ինձ համար ամեն բան իդեալական էր ու ինձ շատ բան սովորեցրիք: Շատ շնորհակալ եմ:

Շատ շնորհակալ եմ ձեզ գիտելիքների համար, որ ստացել եմ այս ընթացքում: Շնորհակալ եմ, որ լիքը նոր ընկերներ ձեռք բերեցի․ շատ ուրախ եմ: Մի խոսքով, ամեն ինչ լիովին արդարացված էր և իսկապես այստեղից գնալու ենք մեծ գիտելիքներով:

Շատ շնորհակալ եմ: Ինձ համար առաջին հերթին շատ կարևոր են մարդկային փոխհարաբերությունները, ու ես այստեղից առաջինը ցանկանում էի հենց դա ստանալ, այսինքն` մաքսիմալ դրական մթնոլորտ: Ու ես էլ ինչքան այս ոլորտից անտեղյակ էի, ինձ համար ավելի քան կարևոր էր, որ ես ինձ այստեղ լարված չզգամ ու ստանամ իմ բոլոր հարցերի պատասխանները ու դրա հետ մեկտեղ ես ինձ անհարմար չզգամ, որ ինչ-որ բան ես չգիտեմ: Շնորհակալ եմ ձեր մարդկային հարաբերությունների, ձեր տված գիտելիքների, ձեր ուշադրության համար, թե դուք ինչքան հոգատար ու ուշադիր բոլորիս նկատմամբ: Այսինքն` ձեր միսիան այն չի եղել, որ դուք գաք ձեր դասախոսությունը կարդաք և գնաք: Դուք բոլորիս առանձնահատուկ ուշադրություն եք դարձրել ու ինձ համար շատ հաճելի է, որ ես իմ կյանքում ունեցա BSMI-ում սովորելու, նմանատիպ հրաշալի մարդկանց հետ ծանոթանալու և գիտելիքները հենց BSMI-ից ու ձեզ նման դասախոսներից վերցնելու փորձ:
Ես ձեզ շատ սիրում եմ:

Երբ դեռ նոր էի գնում գովազդի բաժին համալսարանում միշտ դիտարկում էի BSMI-ը ու գիտեի, որ ես հաստատ այստեղ սովորելու եմ: Ու այդեպես է` ինչին երկար ես սպասում միշտ շատ անսպասելի է գալիս, որ դու էլ չես հասկանում:
Դասընթացը պետք է սկսվեր երկուշաբթի օրը ու ես կիրակի օրը ինսթագրամում տեսնում եմ փոստը ու միանգամից որոշում եմ գալ:
Շատ պատահական եմ եկել, բայց շատ ուրախ եմ այդ պատահականության համար: Ձեզնից շատ բան եմ սովորել, որը արդեն կիրառում եմ ու կիրառելու եմ: Դե մարդկային հարաբերություններն էլ չասած:
Անչափ շնորհակալ եմ:

Շատ շնորհակալ եմ ձեզ: Դուք ինձ համար ոչ միայն գիտելիքի, ոչ միայն մարդկային բարձր արժեքների, այլև մոտիվացիայի շատ մեծ աղբյուր եք եղել ու ես էլ իմ հերթին խոստանում եմ անել լավագույնը աշխատանքում:

Ձեզ շատ շնորհակալ եմ ապացուցելու համար, որ ուսման ընթացքը կարող է լինել շատ հավես, որ թույլ տվեցիք ծանոթանալ այսպիսի հաճելի մարդկանց հետ, որովհետև իրենք ամբողջ կյանքում մնալու են: Դե իսկ ձեզ էլ շատ-շատ սիրել եմ: